好多客人上黎setup / 維修，問起佢地用開咩牌子結他線，幾粗，咩物料⋯⋯
根據我地嘅大數據，原來有超過一半嘅人都唔清楚自己用緊咩線，見到有就買，裝上去
比較清楚自己用咩Gauge嘅客人，通常都係玩drop tune，因為唔用果種粗度嘅線真係會function唔到，但佢地時常都會有疑問，究竟要幾粗先夠drop ABCDEFGHIJK......
其實不論電結他 / 木結他，係買線之前我地都會問客人一堆問題(如下)：
你彈左幾耐結他？ 你支結他牌子 / 型號？ 你想用黎彈咩style？ 你想drop咩tune？ 你大唔大手汗？ 你幾耐換一次線？ 你對聲音有無要求？
你幾歲？ 有無拍拖？ 你電話幾號？ 平時咩時間方便搵你？
問咁多問題並唔代表我想起佢底抄佢牌 根據客人嘅答覆，我地會知道佢應該用咩gauge，物料，牌子嘅結他線，從而引導佢揀最適合自己嘅結他線
我地呢個模式持續左好耐，而好開心見到好多客人之後突登返上黎買線，最大不同嘅係佢地好清楚自己要d咩，仲會帶朋友黎買線，幫我地介紹埋邊款啱朋友玩，變左揀線expert
一個人上黎買包幾10蚊嘅結他線，要同佢講咁多野，可能有人覺得我地笨7，但我地唔覺得自己係sell緊野，而係另一個角度嘅結他教育，希望d客唔會覺得我地煩
