好開心Eric參加樂道嘅《結他setup企劃》，今次就係為佢支Gibson 335 做一個全面嘅setup調整，等佢可以帶住一支最佳狀態嘅結他去演出🎸
今次我地會為你介紹呢一位本地年青爵士樂結他手Eric Chong；現時活躍於本地爵士樂嘅活動與演出，曾與多位爵士樂手合作過。
爵士樂俾人嘅印象，好多時都係好高難度，好高深；相對其他風格係比較少人懂得欣賞
咁Eric 係點走上爵士樂手之路嘅呢🤔
🔸搵錯老師🔸
原來佢中學開始學結他時，原本打算玩古典，點知搵果位老師原來係彈Jazz，一開始就玩autumn leave ；點知玩落就變到越嚟越鍾意，之後仲去咗北京同荷蘭深造爵士樂
🔸風格 > 結他🔸
好多人因為喜歡彈結他先，一路學就會玩唔同風格嘅音樂，例如Pop、Rock、Metal、Fusion、Blues、Jazz etc...
而Eric剛剛相反，佢係鐘意jazz先過彈結他，咁當然結他都隨着玩jazz越嚟越鍾意，所以其他風格就比較少接觸，唔係六角型戰士，只專長於一邊，不過咁就更加明白點解佢爵士樂上會玩得咁出色✌🏻
🔸爵士樂手點揀結他🔸
身為爵士樂結他手，揀結他又有咩要求呢❓
Eric：「睇樣❗️」
爵士樂手揀樣行先，我哋真係估唔到😂
另外就係要輕，呢一個都明白，因為真係每個人體型上嘅差異可以好大分別。
⚠️Eric提到有個重點⚠️大家都可以參考一下
當試一支結他嘅時候，能唔能夠「一氣呵成」彈到同平時一樣😌
🔸每次要換兩包線⁉️🔸
結他線方面，Eric用嘅gauge都幾特別嘅，粗嗰三條線11嘅set，，而幼個三條線係12嘅，所以每次要買晒兩包線先換到1支結他，咁樣個皮費都幾大！
不過係因為佢唔知道我哋有得custom 結他線，自己揀每一條線嘅粗幼度啫，如果你有同樣情況嘅話，咁你記得搵我哋啦😂
🔸Setup完支結他有咩感覺🔸
「好正，好smooth 😍未試過自己支335原來可以咁順，有feel，攞上手一彈，wow~就知道同之前差好遠‼️」
Eric試嘅時候，我地見倒佢嘅果種開心、滿足，我地都覺得好開心；再諗返，我地能為香港努力玩緊音樂嘅人出一份力，感覺實在太好😍
嚟緊Eric有不同演出，喜歡爵士樂或者想試下聽下咩係Jazz嘅朋友，就一定要留意住啦！
🗓️8月19日 8pm
演出：炎夏限定之翻騰舞廳 For The Love Of Big Band
地點：Fountain
地址：新蒲崗三祝街22號啟德工業大廈第一期B座六樓
門票：$250
🗓️8月26日 8:30pm
演出：Eric Chong X Rachel Sung
地點：Lost Stars Livehouse
地址：大角咀利得街11號利奧坊G/F 506號舖
🗓️10月5日 8:00pm
演出：Eric Chong Solo Guitar
地點：留白 Lau Bak Freespace Livehouse
地址：西九 Museum Dr, 18號地下(部份文化區 自由空間)
【樂道《結他setup企劃》】，免費為唔同音樂單位的結他手做Setup調整，收到非常多報名，我們已一路聯絡及安排中💪🏻
嚟緊會繼續為大家介紹更多本地不同嘅樂隊及音樂人，希望大家可以得到更多本地音樂資訊💥
如果你係本地嘅音樂人，想參與我地嘅《結他setup企劃》，讓更加多嘅人能認識你，歡迎報名參與