資訊發達嘅年代，咩都上網搵到睇到聽到，變到咩都唔使估估下，所以好多唔出名，而其實質量好好嘅品牌，都有得發圍，整個市場百花齊放
並唔係傳統名牌好啲，定係新興嘅牌子好啲，重點係有得選擇；好話唔好聽，以前啲琴行賣乜我哋就要買乜咖啦，想買嘅野都係靠祈禱啲琴行會入先買倒
所以近年去睇show，係多咗結他睇的，分分鐘幾隊band出場，加埋十個結他手，你會見到成五六個牌子出現，支支都唔同款，以前就真係離不開個兩三個牌子、甚至乎款式 加上而家興custom，連撞款撞色嘅機會都少埋 Custom就有好多玩法，可以係一個品牌廠裏面，自己揀材料揀零件去做，攞到自己想要嘅聲音，而仍然有嗰個品牌嘅味道，咁當然係會有框假有範圍之下揀㗎啦 而令一款玩法，會係全自己揀材料，任揀件，將佢哋切埋一齊，自由度就變得大好多啦，但係呢大家就要留意啦，自由度高嘅話呢其實亦都等於難控制難估計，出嚟嘅結果未必係同你心目中所想一樣，所以呢就真係要做足功課先啦，只要夠了解，聽得多，咁就有機會真係如你所願嘅聲音啦 呀～仲有一樣，聲音可以估到下大概，咁手感呢？呢一方面呢，就要彈多啲唔同品牌嘅結他，唔同型號嘅結他，之後留意條頸係邊一種粗度同形狀，個面係邊一種弧度，留意邊隻牌子嘅零件先至穩定，先會知道自己要啲乜嘢㗎~