名廠出嘅結他，質素更係有保證👍🏻
無論Martin 定 Taylor，如果佢地無質素我相信唔會有今時今日屹立不倒嘅地位。所以由佢地出廠嘅新結他狀態應該係幾好。
可惜嘅係，支結他出廠時狀態好，唔代表去到你手果時都一樣咁好。因為原廠工場preset左對結他最好嘅溫度同濕度，而佢係因應工場嘅環境set到支結他最perfect，而唔係考慮用家係咩地區而set。
大家可以睇睇下面係2間大廠preset嘅溫度同濕度： Taylor: 23℃ / 濕度47% Martin: 22-25℃ / 濕度44-55%
香港嘅平均濕度為75-80%。試諗下多左30%濕度，成支結他嘅狀態已經同出廠有好大分別。相信大家都見過/擁有body”卜”起嘅木結他，呢個情況就係香港潮濕造成。
Body“卜”起左，弦距自然會高，嚴重的話bridge會”蹺”起，弦線拉力過大可能會鬆脫。係咪諗起都驚驚先，就好似人患左cancer先知飲食健康重要一樣。
其實只要平時做好保養，控制濕度，成件事已經會唔同哂！如果真係咁唔好彩”卜”起左，都可以搵我地做木結他setup，磨低saddle降低弦距，咁就可以變返好彈啦😆
Comentários