top of page

《結他Setup企劃》王雨山@WHIZZ


今次我地《結他Setup企劃》嘅主角~ WHIZZ主音兼結他手👉🏻王雨山(Yushan) @yushan_wong


佢帶咗Fender Stratocaster嚟俾我地幫佢做Fret Leveling 同Setup,務求嚟緊嘅演出更盡善盡美👍🏻


其實幾年前雨山攞過支tele嚟樂道整而認識;今次有機會捉住佢傾下計,了解多啲關於佢隊Band,同埋佢彈結他嘅事,咁喺度又可分享下俾大家😄


🔸因夾band接觸電結他🔸

雨山都同好多人一樣,中學時開始彈木結他,起初都係自己玩,唱吓歌咁,係直到大學時,搵倒其他人一齊試下夾band,就開始真正接觸電結他🎸


🔸結他Effect 🔸

接觸電結他時,發現好多聲效係由effector所製造出來,發覺電結他嘅效果好有趣😲好多野玩。原來一個聲效嘅變化,就可以將成個mood一瞬間就改變,覺得好正,之後就投放更多時間去鑽研呢一方面;電結他嘅唔同effect 帶俾佢之後創作都有好大啟發🧠


🔸Arrangement > 結他Hero🔸

好多結他手都會有自己崇拜嘅結他Hero,雨山反而冇特別喜歡的結他Hero,佢比較多聽🇯🇵日本及🇹🇼台灣嘅歌手同樂隊,聽歌會比較聽整體,每件樂器做緊咩,留意佢地嘅編曲,整體成個氛圍係點去營造🎧


🔸點揀結他🔸

問到雨山揀結他有咩要求❓

佢話:「結他定係其他嘢都好,一定係包裝同個樣先❗️」

原來佢係講緊嘅包裝係結他袋!經佢咁樣講一講,又係喎,結他袋都可以係一個因素嚟咖喎🤣如果個袋唔靚,或者個logo印咗上個袋唔靚,佢寧願唔要,自己買過個😤


🔸結他要聽Clean Tone🔸

雨山好清楚自己要咩聲,佢玩嘅style,所要嘅嘢唔複雜,最緊要個Clean tone要清晰,有穿透力;見佢當日試支結他,幫佢fine tune時,就睇得出佢對呢一方面的確好細緻、好有要求💯


🔸WHIZZ之默契🔸

提到WHIZZ寫歌/編曲時,佢話隊友之間共識非常之好,好多時每個樂器大家都做緊唔同嘅嘢,利用多層嘅layer配搭出新鮮感,所以喺WHIZZ嘅歌當中,會搵到好多好細緻嘅樂器編排✌🏻


🔸WHIZZ🔸

由2019組成,樂隊音樂風格以鮮明嘅Groovy Pop 為主,輕快具節奏感成為佢哋嘅其中一個標誌,樂隊近年於香港非常活躍,喺不同嘅音樂節都可見倒佢地之外,佢地更衝出香港於其他嘅地方演出,早排佢地出咗碟,嚟緊都有好多演出嘅,大家多多支持一下佢地啦💪🏻


🗓️9月10日

演出:WHIZZ @HYPERSONIC FEST After Party

地點:九龍灣國際展貿中心


【樂道《結他setup企劃》】,免費為唔同音樂單位的結他手做Setup調整,收到非常多報名,我們已一路聯絡及安排中💪🏻

嚟緊會繼續為大家介紹更多本地不同嘅樂隊及音樂人,希望大家可以得到更多本地音樂資訊💥


如果你係本地嘅音樂人,想參與我地嘅《結他setup企劃》,讓更加多嘅人能認識你,歡迎報名參與


62 views0 comments

Comments


bottom of page